Related Posts
Category : General
Starbucks Coffee Boycotts: Starbucks ને થઇ રહ્યુ છે ખૂબ જ મોટુ નુકશાન, કારણ જાણી ચોકી જશો
અમેરિકન કંપની સ્ટારબક્સ તેના સૌથી ખરાબ તબક્કામાંથી પસાર થઈ રહી છે. છેલ્લા ત્રણ મહિનામાં કંપનીને $11 બિલિયનનું નુકસાન થયું છે. આ સિવાય કંપનીના શેરમાં પણ 8.96 ટકાનો ઘટાડો જોવા મળ્યો છે. કંપનીનું આ નુકસાન અત્યાર સુધીનું સૌથી મોટું છે, એટલે કે 1992 પછી પહેલીવાર કંપનીને આટલું મોટું નુકસાન સહન કરવું પડ્યું છે.
કંપની પર આરોપ છે કે તે મધ્ય પૂર્વમાં ચાલી રહેલા યુદ્ધમાં ઈઝરાયેલની તરફેણમાં છે. કંપનીએ તેના કામદારોના સંગઠન પર પણ કેસ કર્યો હતો. સ્ટારબક્સ સોશિયલ મીડિયા પર કથિત પેલેસ્ટિનિયન સમર્થનને લઈને સ્ટારબક્સ વર્કર્સ યુનાઈટેડ સંસ્થાને કોર્ટમાં પડકારવામાં આવ્યો હતો.
કંપનીએ શું કહ્યું?
મુકદ્દમામાં, સ્ટારબક્સે જણાવ્યું હતું કે, “વર્કર્સ યુનાઈટેડે ઈઝરાયેલ-ગાઝા સરહદના ભાગને તોડી પાડતા બુલડોઝરની છબી સાથેનું નિવેદન પોસ્ટ કર્યું છે, જે હમાસ દ્વારા આચરવામાં આવેલી હિંસા માટે તેમનું સમર્થન દર્શાવે છે.” “સ્ટારબક્સ સ્પષ્ટપણે હમાસ દ્વારા આચરવામાં આવેલા આતંકવાદ, દ્વેષપૂર્ણ ભાષણ અને હિંસાની નિંદા કરે છે અને અમે વર્કર્સ યુનાઈટેડના વિચારો સાથે અસંમત છીએ,” કંપનીએ જણાવ્યું હતું.
સ્ટારબક્સ વર્કર્સ યુનાઇટેડની બાજુ
સ્ટારબક્સ વર્કર્સ યુનાઈટેડ કંપની પર ઓછા પૈસામાં કામ કરવાનો આરોપ લગાવ્યો છે. આ સિવાય ઈજિપ્તમાં કંપનીના કર્મચારીઓ હડતાળ પર ઉતરી ગયા હતા. મિડલ ઈસ્ટના ઘણા દેશોમાં વિરોધને કારણે કંપનીના કર્મચારીઓએ તેમની નોકરી છોડવી પડી હતી.
કંપનીના CEOને આશા છે કે કંપની ટૂંક સમયમાં આ ખોટમાંથી બહાર આવી જશે, પરંતુ આંકડા અલગ જ વાર્તા કહી રહ્યા છે. એવું માનવામાં આવે છે કે જો યુદ્ધ આગળ વધશે તો સ્ટારબક્સ માટે મુશ્કેલીઓ વધી જશે.
Load more
